العين في غيبتك تطريك .. تبكي من فراق غاليها

وتلومني فيك يوم أغليك ..؟!
يا أول همومي وتاليها ..
أبيع كل البشر وأشتريك ..
بأول سنيني وماضيها ..
يا غايب صرت أفكر فيك ..
يا أغلى جروحي ومشقيها ..
تطول بي حروتي وأجيك ..
والرجل تسبق خطاويها ..
أطلب عيوني وأنا بعطيك ..
تستاهل الروح وأهديها ..
إشاره من نظر عينك ..!
أجيبها لك ووديها ..
قلبي يكلمك ويناديك ..
من غيرك الناس ما أبيها ..
روحي بها محدن يساويك ..
أنت الذي ساكن فيها ..
العين في غيبتك تطريك ..
تبكي من فراق غاليها ..
يكفي عذاب الله يخليك ..
بعدك وصدك معنيها ..
قصيدة الحب بين يديك ..
ما أظنك تكون ناسيها ..!
بحروفها الدافيه تبكيك ..
وعيوني الدمع معميها ..